Законапраект аб змяненні Выбарчага кодэкса вынесены на грамадскае абмеркаванне

Праект закона "Аб змяненні Выбарчага кодэкса Рэспублікі Беларусь" размешчаны на сайце "Прававы форум Беларусі".

"Грамадскае абмеркаванне будзе праводзіцца з 24 кастрычніка па 2 лістапада ўключна, - сказаў дырэктар Нацыянальнага цэнтра прававой інфармацыі Андрэй Матэльскі. - Думкі і пажаданні грамадзян мы будзем абагульняць, яны будуць прапрацоўвацца арганізатарамі пры падрыхтоўцы канчатковай рэдакцыі".

Праект закона распрацаваны ў мэтах прывядзення норм выбарчага заканадаўства ў адпаведнасць з Канстытуцыяй Рэспублікі Беларусь, а таксама ўдасканалення яго палажэнняў з улікам практыкі прымянення.

Выбарчы кодэкс дапаўняецца асобным раздзелам, які вызначае парадак выбрання дэлегатаў Усебеларускага народнага сходу ад мясцовых Саветаў дэпутатаў і грамадзянскай супольнасці.

У сувязі з будучым адзіным днём галасавання ў праекце зменена сістэма выбарчых камісій, падкрэсліваецца на Нацыянальным прававым інтэрнэт-партале.

У праект закона таксама закладзены нормы, якія адлюстроўваюць вопыт правядзення электаральных кампаній.

Арганізатар грамадскага абмеркавання - Нацыянальны цэнтр заканадаўства і прававых даследаванняў.

Свае заўвагі і прапановы можна выказаць у спецыяльнай тэме на Прававым форуме Беларусі.

БЕЛТА - Навiны Беларусi