Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Мастоўскi
раённы
выканаўчы
камітэт

Навiны раёна

10 верасня 2021

Чаму для мастаўчан важны Дзень народнага адзінства

 Настасся ПАЛУЙЧЫК,

загадчык сектара культуры Мастоўскага райвыканкама:

– Дзень народнага адзінства дазваляе ўсвядоміць сябе адзіным народам з гістарычным мінулым і агульным лёсам, незалежна ад таго, нарадзіўся ты ў Мастах або ў Мінску, у горадзе ці вёсцы. Важна тое, што Радзіму трэба ведаць і любіць, бо яна ў нас адна. Нашы прадзеды вучылі берагчы мір. Дзень народнага адзінства  для мяне – гэта перш за ўсё дзень талерантнасці, міру і згоды. Лічу, што гэтае свята заклікана аб'яднаць самых розных людзей, нагадаць ім аб сіле і векавой мудрасці беларускага народа. Тэрмін "народнае адзінства" – гэта непадзельнасць і згуртаванасць грамадзян нашай рэспублікі. А дзень 17 верасня аб'яднае нас для захавання мірнага неба над галавой.

 






Аляксей ХАЛОПІК,

старшы інструктар сектара спорту і турызму райвыканкама:

– Многія, хто бываў на Украіне, кажуць, што ўкраінец з заходніх абласцей менталітэтам адрозніваецца ад украінца з усходу. Адна з прычын гэтага адрознення заключаецца ў тым, што землі сучаснай Украіны больш за 100 гадоў былі падзелены паміж дзвюма дзяржавамі, Аўстрыйскай і Расійскай імперыямі. Роўна 100 гадоў таму, у 1921 годзе, адзіныя зямлі Беларусі таксама былі падзелены паміж Рэспублікай Польшча і Савецкай Расіяй. Гэтыя дзяржавы адрозніваліся сваім палітычным, грамадскім і эканамічным укладам. А значыць і мы, беларусы, маглі паўтарыць лёс украінцаў. Варта прызнаць, што верасень 1939 года – гэта дата пачатку Другой сусветнай вайны, самай страшнай вайны ў гісторыі чалавецтва. Але для нас, беларусаў, гэта і знакавая дата, калі мы былі сабраны ў адной дзяржаве, што дазваляе ў нашы дні адчуваць сябе адзіным  народам.