У музеі гісторыі Вялікай Айчыннай вайны правядуць «Дыктоўку Перамогі»

  У Беларускім дзяржаўным музеі гісторыі Вялікай Айчыннай вайны заўтра правядуць «Дыктоўку Перамогі».   Штогод напярэдадні свята 9 Мая гэтая патрыятычна-асветная акцыя праходзіць у розных краінах свету. У ёй ужо паспела паўдзельнічаць больш за мільён чалавек. Сёлета дыктоўка прысвечана 80-годдзю з пачатку Вялікай Айчыннай вайны і юбілеям савецкіх палкаводцаў. На працягу 45 хвілін удзельнікі павінны выканаць тэсты. Такім чынам, «Дыктоўка Перамогі», арганізаваная Прадстаўніцтвам Рассупрацоўніцтва ў Рэспубліцы Беларусь, дапамагае звярнуць увагу маладых людзей на ваенную гісторыю і спрыяць захаванню памяці пра подзвігі іх папярэднікаў.